Er fróðari um ríka og frægafólkið:)

Er að verða vel viðræðuhæf í heimi slúðurblaðanna!.... Já ég hef hingað til verið talin frekar "slöpp" í heimi slúðri um "fræga og fallega fólkið" hvort sem það er hér heima á Fróni eða í Hollywood... en nú er ég öll að koma til.... eftir að hafa flett gegnum margra ára skammta af Séð og heyrt , Vikunni... og fleiri blöðum á Barnaspítalanum og læknabiðstofum og jú hárgreiðslustofum er ég að verða nokkuð fróð á þessu sviði.... a.m.k. kannast ég við nöfn á fólki og farin að vita að það er frægt af endemum og mörgu öðru  (en játa að vísu að stundum ruglast mín í ríminu og rugla saman nöfnum og staðreyndum ....  en er samt mun fróðari en ég var) já alltaf lærir maður eitthvað nýtt og öðlast stöðugt nýja vitneskju

Já svo hef ég reyndar komist að því að sumt sem ég hef lært sl. mánuð er orðið úrelt.... þessi er skilinn við hinn og giftur  nýrri konu... o.s.frv..... já það er víst full vinna að fylgjast  með í þessum heimi... en ég örvænti ekki .... ein samstarfskona mín kenndi mér nefnilega hvernig ég get alltaf verið með nýjustu upplýsingar í bransanum a.m.k. um Hollywoodstjörnurnar... jibbí     og nú ætla ég að deila með ykkur þessu atvinnuleyndarmáli .... farið inn á people.com og þið munuð fræðast...híhí 

Já nú þekki ég fleiri leikara með nafni heldur en "Tomma Krús"  og "Gogga Klúní" .... já og veit meira um "Britní Spers" og "Lindsley Lóhan"   heldur en ég kæri mig um.... en maður þarf nú að leggja ýmislegt á sig til að vera með á nótunum... og ekki spillir fyrir að vita meira um prinsana í Englandi ....

Kveðja Helga með slúðrið á hreinu

p.s. mikið er ég fegin að vera bara Helga...kennari.... og geta gert mistök og lifað lífinu án þess að vera undir smásjá heimsbyggðarinnar.... skil vel að það sé ekki auðvelt.... fá hvergi frið....

skil bara ekkert í fólki að nenna að tala um þetta fólk og velta sér upp úr lífi þess  hihi

Lillan veik

Lillan veik... já þegar ég kom heim úr ræktinni í morgun var lillan óvenju öfugsnúin, hún vildi ekki borða og mamma átti bara að hjálpa henni... ekki að ræða að stórasystir fengi að snerta hana.... mamman keyrði samt á að klæða hana og snurfusa fyrir daginn, en þegar ég var að "troða" (ekki mjög samvinnufús aldrei þessu vant, vön að vilja klæða sig sjálf)  henni í útigallann kom ég við ennið á henni, það var óvenju heitt.... og þá fyrst kviknaði á perunni... kannski er barnið veikt svo mælirinn var sóttur (digitalmælir sem ég set undir handlegginn)  þá upphófst óhemjugangur ... ekki mæla mig böööö ... en ég skellt samt mælinum undir handlegginn á henni og þegar hann var kominn í tæplega 38  sá ég að ekki var um að villast barnið er veikt og hætti píningunni í bili.  Tók upp tólið og lét vita að ég kæmi ekki í vinnu í dag því Óli fór eldsnemma í morgun í vinnuna og var lengst inn í Djúpi þegar ég hringdi.  

 Já mín er með smá samviskubit yfir því að vera ekki í vinnunni (samt veit ég að lillan þarf meira á mér að halda og þetta reddast í skólanum)... ég er nefnilega rétt að vera búin að rétta úr kútnum, vinna upp tafir og allt komið í fastar skorður aftur síðan ég var með Skíðakappann í borginni um daginn Já og var heldur ánægð með mig í gær þegar ég bauðst til að sjá um að skella inn nýju vikuáætluninni þessa vikuna... og árshátíðarvinnan að komast á skrið.... ætlaði að byrja á nýrri bók í íslensku í dag með krökkunum... ætlaði að föndra í náttúrufræði með krökkunum og búa til kartöflukarlinn ógurlega .... já sem sagt margt á döfinni.... en þetta hlýtur að reddast ...

En ótrúleg þessi börn, þegar lillan var búin að öskra úr sér lungun vegna mælingarinnar settist hún með mér í sófann og pantaði að horfa á Söngvaborg og nú er diskurinn búinn að ganga 3 hringi og hún sitja og syngja með og leika sér smá í pleymó .... og ekkert sérstaklega slöpp að sjá.... (ég fæ svo sjaldan hita að ég ligg eins og skata um leið og mælirinn stígur..... )já hún var bara nokkuð hress fram yfir 11 en þá skreið hún skyndilega upp í fangið á mér og kvartaði yfir hausverk og var sofnuð nánast um leið....

Já í dag verð ég heima og hjúkra lillunni, veit að allt reddast í vinnunni.....

Stóra snúllan  er að fara á skíðamót um helgina og fer með flugi suður á eftir.... já nóg að gera hjá henni, ? hvort hún komist heim á sunnudaginn í tæka tíð fyrir miðsvetrartónleika....  .... en hún missir af "fermingarsýningunni" sem beðið hefur verið eftir.... en það er ekki hægt að vera allstaðar.... og hún vill ekki sleppa skíðamóti , vona bara að veðrið verði gott.

Kveðja Helga

 

Olíuhreinsistöð????

Nei takk mér finnst olíuhreinsistöð ekki spennandi kostur fyrir okkur Vestfirðinga eða yfirhöfuð okkur Íslendinga.  Af hverju?...er ég þá á móti atvinnuuppbyggingu á Vestfjörðum, 500 störf og allt það ? Nei... en ég held að það séu margir aðrir kostir betri í stöðunni...t.d. þeir sem koma fram í "Vestfirðir á teikniborðinu"

... en það eru umhverfisáhrifin sem skelfa mig, öll áhættan sem er tekin fyrir aðeins nokkra áratugi,  því olíubirgðir heims endast ekki nema í nokkra áratugi í við bót, einhvertíma sá ég töluna 40 ár nefnda jafnvel enn minna og hvaða olíu á að hreinsa? Hvar fáum við olíu??? . Það er ekki bara minnkandi olíubirgðir heims sem skelfa mig.... líka sú ógn við umhverfið okkar sem stafar m.a. af aukinni umferð olíuskipa.... sú mengun sem hreinsistöðin sjálf framleiðir.... sú eyðilegging á umhverfinu í kringum stöðina... sjónmengun... umhverfismengun... óafturkræfar breytingar á umhverfinu... jurta og dýralíf, hvað með það?...  sú mengun sem verður til ef við knýjum olíuhreinsistöðina með olíu ... umhverfisáhrif sem raforkuver kostar .... jú það þarf mikla orku í olíuhreinsistöð... erum við tilbúin til að breyta stórum hluta landsins í uppistöðulón fyrir raforkuver???? viljum við ígildi margra "Kárahnjúkavirkjanir"  í viðbót????  

Þessar spurningar leita á mig  og svörin sem ég fæ við þeim skelfa mig... mér finnst við vera fórna of miklu fyrir stundarhagsmuni.... og rökin með hreinsistöðinni er í mínum hug ekki nógu góð til að  ég telji það verjandi að taka áhættuna og fórna hreinleika Vestfjarða.... því þar tel ég að auðlind okkar liggi... í ósnortinni náttúru.

 

Kveðja Helga umhverfissinni

 

 

 

Húsmóðurmetnaðarleysi.....

En og aftur kominn föstudagur .... og nú er mín með saumaklúbb í kvöld.... já það er aftur komið að mér og ég ný búin (... bíddunúvið það var síðast hjá mér .... ??? í september) já það var nú næstum því í gær..... jamm í kvöld er saumaklúbbur og ég ekki búin að gera næstum neitt.... hvað er húsmóðurmetnaðurinn???? ÓMG ég er ekki með mikinn húsmóðurmetnað.... ryk ... já svolítið mikið...  en þó er ekki hægt að kvitta greinilega í það= sleppi því að þurrka af þar til síðar....  skítugt gólf.... jaaaa smá svona drullugt.... ekki mikið... límist ekki við .... smá ryk....=sleppi að skúra... nota kertaljósatrikkið og vona að stelpurnar séu ekki í hvítum sokkum ...  veitingar.... já það verða smá saumóveitingar.... búin að redda því.... klikka ekki á aðalatriðunum...... góður og fljótlegur brauðréttur.... og allt í einum graut= smá dass af marens.... smá dass þeyttur rjómi.... smá jarðaber... smá kókosbollur og smá súkkulaðirússur....klikkar ekki  og það besta engin vigtun hjá einkaþjálfaranum á morgunn....  ég  svína feitt usss ekki segja neinum

kveðja Helga hús.......

... foreldraviðtölin frá þetta skólaárið :)

Foreldraviðtölin frá.... og ég búin á því.... ég er úrvinda eftir svona törn,  16 viðtöl... (ÓMG ég þakka fyrir að vera ekki með 25 barna bekk eða 30)  samt gengu  þessi viðtöl öll vonum framar eins og vanalega , foreldrarnir og börnin er bara svo fín.... en þrátt fyrir það er allur vindur úr mér.... þreytt... þreytt...  " Nonni stendur sig vel í.... þarf samt að passa skriftina... tala minna.... læra meira... mætti hlusta betur..... samt flott hjá þér...   lesa meira ... ekki flýta sér.... nema þegar hann er að koma allt of seint úr leikfimi...hugsa um hvað þú átt að gera ekki hvað hinir eru að gera.... passa heimnámið... þarf að vera duglegri að lesa heima... er mjög dugleg/ur að lesa heima.... er mjög dugleg/ur... vandvirk/ur.... metnaðarfull/ur....frábær námsmaður.... stendur sig að öðruleiti vel....... " Þessar setningar og margar aðrar ultu upp úr mér í stríðum straumum..... ójá margar eru raunir kennarans en..... ekki vorkenna mér mikið .... ég valdi þetta víst sjálf....

Auðvitað voru börnin mín algjörir englar að sögn kennara þeirra (of corse... börnin mín ) þau standa sig vel í skólanum og eru fyrirmynd annarra barna í framkomu og góðum siðum( tíhí þó ég segi sjálf frá... vona að unglingurinn fái ekki kast yfir þessu.... finnst mamma nógu klikkuð fyrir þó hún bloggi ekki þetta)  í alvöru eru þau að standa sig vel og það er auðvita frábært!!!!

Í alvöru.... ég játa að ég er fegin að það eru bara 2 svona dagar á skólaári.... samt er frábært að hitta alla foreldrana og auðvita alveg nauðsynlegt....

Kveðja Helga þreytta.............

Svekt út í myndbirtingar af slysum.....

 

Já ég hef oft verið að furða mig á "ósmekklegum" myndbirtingum af slysum.... en svo lendi ég og mín fjölskylda í því  sjálf 5. febrúar og þá varð ég mjög reið út í myndatökumann sjónvarpsins á Ísafirði.... hann var kominn á svipuðum tíma og sjúkrabíllinn (ef ekki fyrr) upp á skíðasvæðið til að mynda .... hann brást greinilega mjög hratt við og var mættur á svæðið.... til hvers jú til að mynda alvarlega slasað barn.... hann var búinn að fá fréttirnar löngu á undan okkur foreldrunum og tók myndir... án leyfis .... og þær eru birtar án leyfis okkar.... og löngu áður en hægt var að láta alla nánustu ættingja vita af slysinu ... .. hefði hann líka birt þær ef þetta hefði verið banaslys???? vafalaust.... því við höfum fordæmi fyrir því hér fyrir vestan... mjög ósmekkleg mynd af banaslysi fékk verðlaun sem besta fréttamynd ársins 2006. 

Ég geri mér alveg grein fyrir að slys eru fréttir  en þarf að birta myndir af slysstað, björgunarfólki  og hinum slasaða í nærmynd ???? og á hvaða tímapunkti á þá að birta þær??? pirr pirrr

fyrir hverja eru þessar myndir???? Er fréttin ekki frétt ef ekki er nógu óhuggulegt myndefni með????

 hvar er "aðgát skal höfð  í nærveru sálar á ferð"????

Ég vissi sem betur fer ekki af þessari myndbirtingu fyrr en nokkrum dögum eftir slysið (ég hafði öðrum hnöppum að hneppa á þeim tíma) en þær stungu verulega í hjartað og það fauk verulega í mig.... ég varð líka vör við þrýsting frá fjölmiðlun á slysadeildinni....

síminn hringdi hjá einum lækninum sem var að hlúa að drengnum mínum og það var fréttamaður að spyrja um drenginn minn... hvernig í fjandanum vissi hann að einmitt þessi læknir sæi um hann..   Daginn eftir var líka  hringt á sjúkrahúsið ... á þeim tíma var ég ekki tilbúin að tala við fjölmiðla, fannst nóg að þeir vissu að drengnum liði eftir atvikum vel....  en eftir að í ljós kom að allt færi vel hafa þeir engan áhuga sýnt og ekkert haft  samband ....  kannski hafa þeir aðallega áhuga á fréttum sem "fara illa"??????

 Já ég er verulega pirruð yfir ósmekklegum myndbirtingum af slysum og finnst alltaf jafn skrýtið hvað myndatökumenn er fljótir á slysstað a.m.k. miðað við það hvað þeir sýna oft skólastarfi og öðru menningarstarfi lítinn áhuga  og ef þeir á annað borð sýna áhuga koma þeir jafnvel löngu á eftir að atburðurinn er búinn... til að mynda hann.... Þá er ekkert verið að flýta sér....

 

Kveðja Helga pirraða

Hversdagsleiki I love you.....

Ég elska hversdagsleikann.... a.m.k. um þessar stundir.... elska að geta sofið og vaknað í mínu hjónarúmi.... að hljóðin sem ég vakna við á nóttunni eru hrotur í öðrum fjölskyldumeðlimum (ég hrýt ekki alveg satt...)... að hlusta á nöldrið í börnunum... mammmmmmmmma hann... hún er svo óþolandi þroskaheft.... hann er óþolandi þroskaheftur..... mammmmmmmmmma hann gerði....hún gerði .... hvar er ..... ég elska að þurfa að velja hvað er í matinn  já mér finnst meira að segja gott að geta sett í þvottavél og þrifið    Já ég elska það sem gerir daginn hversdagslegan með öllu sínu amstri og vanabundnum verkum..... að vakna ókristilega snemma til að fara í ræktina... að koma heim til að koma öðrum af stað í skólann... sjá um nesti... klæða lilluna... borða morgunmat og fara í sturtu (allt á sama tíma milli 7 og 8)... koma lillunni á leikskólann og vera mætt í vinnu fyrir 8. ( áskorun 5 daga vikunnar....)  elska að kenna  16 "englum"  í skólanum og ala þá upp í guðsótta og góðum siðum.... elska að fara á endalausa fundi... elska að vera á síðustu stundu að hlaupa í leikskólann og ná í lilluna.... elska að borga reikninga í bankanum.... fara í Bónus... keyra á skíðaæfingu.... tuða (fyrirgefið ala börnin mín vel upp... stóru snúlluna=unglinginn, skíðakappann og lilluna ).. ertu búinn að læra...taka til .... vera þolinmóð ...vera fyrirmyndareiginkona og eiga í uppbyggilegum samskiptum við makann.....já elda matinn og brjóta saman þvott... stinga í vél.... taka til.............. og bara allt hitt sem ég geri dagsdaglega án þess að veita því eftirtekt....

Svo er mér sagt að allt bendi til þess að  það sé í lagi með höfuðið á mér!!!!!!!!!!!!

 kveðja Helga I love it...

p.s. Hjartanlega til hamingju með afmælið Bergþóra (37) ofurkona.  Þú ert lannnnnnnnng flottustu í ræktinni

:)

Ég svíf á skýi, eða þannig var að fá "góðar" fréttir í vikulokinn .  Á mánudaginn fór ég í allsherjar ástandsskoðun = ég fór í blóðprufu, segulómun og hitti lækninn minn.  Blóðprufan kom ágætlega út en he.......  það sást e-h á segulómsmyndunum.... einhver fyrirferð við heiladingulinn og því spurning um hvort æxlisleifarnar séu að stækka???? (það var tekið góðkynjaæxli þarna fyrir 5 og 6 árum og allt hefur verið til friðs síðan) ok... ég fór með þessar fréttir heim og að læknirinn minn ætlaði að funda með sérfræðingum bæði heilaskurðlækni og geislalækni til að meta stöðuna á föstudaginn þ.e. í dag..... svei mér þá þetta er búið að vera töff tími (heil eilífð og maður líka að standa í sjúkrahúsdæmi með drenginn... mæli ekki með þessari blöndu fyrir viðkævmar taugar) , maður farinn að búa sig undir að vera kannski á leið í geislameðferð eða jafnvel þriðju aðgerðina..... en jibbí kannski slepp ég við það alla vega næstu þrjá mánuði því sérfræðingarnir halda að þessi fyrirferð sé "bara" blóð þ.e. æð sem nærir æxlisleifarnar hafi sprungið en svona æðar eru víst miklu viðkvæmari en venjulegar æðar. Staðan er því sú að ég fer aftur í segulómun eftir 3 mánuði og þá verður statusinn  metinn  upp á nýtt og vonandi er þá þessi blæðing úr sögunni og "allt "eins og það var í fyrra þ.e. engin breyting..... en að sjálfsögðu er smá möguleiki að þetta gæti  verið eitthvað annað... en það er alveg bannað

 

Já það er búið að vera töff tími að undanförnu en nú er allt upp á við, skíðakappinn minn kominn heill heim og ég búinn að fá "bestustu" fréttir af  höfðinu  miðað við allt .... ok ég get ekki afsakað vitleysuna sem vellur upp úr mér með því að " ég get ekkert gert að þessu það er eitthvað að mér í höfðinu"

kveðja Helga

Komin heim :)

Skíðakappinn minn var útskrifaður af Barnadeildinni á mánudaginn , Taugalæknir kíkti á piltinn og kannaði viðbrögð og þessháttar hátt og lágt og öll viðbrögð eins og ver ber jibbbbbbbbbbí...   Saumarnir voru teknir úr skurðinum, yfir 20 spor og örið lítur ótrúlega vel út miðað við áverkann verð ég að segja.... ekki smá flinkur þessi Guðmundur lýtalæknir sem saumaði hann saman...  Kappinn á að taka því rólega næstu daga.... enginn skóli fyrr en eftir helgi og heldur engar skíðaæfingar (ekki sáttur með það ) næsta mánuðinn og engin leikfimi, á að vera inni í frímínútum og almennt að forðast allt sem gæti valdið höggi á höfuðið.... verð hreinlega að vefja hann inn í bómull svei mér þá en það gerir sko ekkert til fyrst ég hef hann hér og hann er nokkuð veginn búinn að ná sér

Já sem sagt við erum komin heim á Ísó núna og mikið er ég feginn.... loksins að slappa af.

Það gekk nú samt ekki þrautarlaust að komast heim, áttum pantað flug seinnipartinn í gær... það hafði ekki verið flogið seinnipartinn á mánudaginn og ekkert í gærmorgun... svo við kíktum á textavarpið...jú jú að átti að fljúga svo við drifum okkur út á völl, þar beið okkar röð út úr dyrum og eftir langa bið kom röðin að okkur..... nei sorry þú verður að bíða þeir sem

áttu að fara í gær og í morgunn eru í forgangi.   jú ég skildi það svo sem og spurði "!já fer þá ekki önnur vél." ... nei. (#######h......) það eru engar vélar lausar.... og meira afsökunartuð.... sem sagt við vorum látinn hanga á vellinum þar til ljóst var að vélin var full....(ljóst var að ekki kæmust allir með og samt var fólk látið koma út á völl í von og óvon)  og fullt af fólki sem ekki fékk far heim.... þar á meðal kona með fyrirbura sem var að útskrifast af vökudeild.... ég með minn kappa, ný kominn af spítala..... Var ekki sátt og spurði hvort þeir redduðu þá ekki gistingu.... nei... það komu vöblur á liðið... ég bara er hér á aukavakt....tuð..... og meira tuð.  Það var farið að síga í mína, enda taugarnar búnir að vera útþandar langan tíma, ég ósofinn í marga dag= verulega pirruð og illa fyrir kölluð með fyrirtíðarspennu á háu stigi... og hleypti svolítilli gremju út.... var samt ekkert ókurteis en æsti mig smá og fleiri þarna  voru alls  ekki sáttir... og að lokum kom strákurinn í afgreiðslunni og bauð okkur endurgreiðslu á flugmiðanum=frítt flug eða hótelgistingu.... (af hverju var það ekki gert strax???? hvers vegna er farið svona með fólk????  Margir fóru af flugvellinum þegjandi og hljóðalaust... svona er einokunninn og þjónustu lundinn.  Hér var ekki hægt að skýla sér á bak við veðrið nei bara að það átti ekki að þjónusta okkur og við áttum bara að segja já og amen eftir efninu...   Já ég fékk hótelgistingu og leigubíl á völlinn í morgun.... (tók smá tíma að kría það út) .

það var vel tekið á móti okkur á hótel Loftleiðum, stúlkan í lobbíinu spurði hvort við ættum líka fá mat og þar sem ég var ennþá smá pirruð sagði varla eigum við að svelt hérna?????  Við fengum þetta dýrindis matarhlaðborð í gær slúbb slúbb og skapið batnaði til muna, það var líka ekki smá gott að skríða upp í almennilegt rúm og sofna ..............  

Já við fengu ágætt flug í morgun og loksins komin heim í heiðar dalinn eftir 8 daga dvöl í borginni

 

Kveðja Helga heimakæra

p.s. veit vel að ég hefði geta gist hjá fullt að fólki á svo marga góða að takk fyrir það á það bara inni þar hihi (knús og kossar Helga)

.....

Skíðakappinn minn er óðum að skríða saman, hann er að vísu enn mjög þreyttur og hefur  lítið úthald samt hressari en í gær.  Við erum ennþá á Barnaspítalanum og ég veit ekki hvað við þurfum að vera lengi, tökum bara einn dag í einu, enda væsir ekki um okkur hér,  frábært starfsfólk sem vill allt fyrir mann gera. Samt verður   ""bestast"" að komast heim.

Grímur vinur  hans kom í heimsókn í dag og við fórum á rúntinn á hjólastólnum og þegar við vorum að fara út af deildinni kom ein hjúkkan á eftir okkur og lánaði okkur annan hjólastól svo strákarnir voru báðir í hjólastól.... ekki smá  gaman.... við fórum í hjólastólasafarí um gangana hérna  niðri og mikið hlegið og skemmt sér vel.... það þarf  oft ekki mikið til að gleðja og láta fólki líða betur.

Reyndar var kappinn nokkuð þreyttur að loknu safaríinu og steinsofnaði smá stund... Við Grímur horfðum bara á eina mynd á meðan. 

Önnur heimsókn vakti líka athygli hjá hjúkkunum hér... kraftaverkakonan Guðrún Gunnarsdóttir kom og heimsótti kappann með "orkusteinana" sína  og einstöku nærveru.  Hún fór höndum og steinum um kappann  og ég horfði á hann slaka á og steinsofna á eftir....  þessi kona er sannkallaður  engill með sína ótrúlegu nærveru, manni líður  alltaf svo vel eftir að hafa  hitt hana... sérstaklega ef maður er slappur eða illa  fyrir kallaður....

Hún var nýkominn og byrjuð að fara höndum um drenginn þegar 2 hjúkkur birtust eftir vaktaskiptin og komu til að heilsa  upp á okkur.... svipurinn var óborganlegur á þeirri íslensku ... efinn skein út úr andliti hennar og ég held að hún hafi verið að velta fyrir sér geðheilbrigði okkar ti hi   .... hin var útlensk og greinilegt að hún var opnari fyrir svona meðhöndlun.... hihi vildi vera fluga  á vegg inn á vakt til að heyra hvað þær voru að pæla á eftir....  Já alla vega er kappinn minn mun sáttari við lífið og  tilveruna  og leið mjög vel eftir að hún kom sem er auðvita frábært og til þess var jú leikurinn gerður....

Kærar þakkir til allra þeirra fjölmörgu sem hafa aðstoðað okkur á einn eða annan hátt síðustu daga, stuðningur ykkar veitir okkur mikinn styrk

Pabbi ætlar að koma til borgarinnar á morgun til að aðstoða mig með nafna  sinn, alveg frábært.... því þá þarf  ég ekki að fresta ástandsskoðuninni á mér á mánudaginn, er að fara í eftirlit til læknisins, byrja daginn á blóðprufu, fer síðan í segulómun og enda hjá lækninum eftir hádegi.... var farinn að hafa áhyggjur af því enn vissi að ég ætti góða að......

Litla snúllan er með hlaupabólu og því á Óli ekki heimagengt ... ekki hægt að koma með bólustelpu í heimsókna á barnaspítalann og ekki heldur hægt að láta hana í pössun þegar hún er veik.... já allt þarf nú að gerast í einu.... tilviljun???? kannski ???? kannski ekki???? er þetta allt saman samsæri???????

Kveðja Helga