Geðsveiflur.....

Í gær var ég í e-h geðvonskukasti, fannst allt ómögulegt, dagurinn byrjaði ágætlega en þegar líða tók á morgun fór heldur að kárna gamanið, einhvernvegin gekk ekkert alveg upp í vinnunni, allt sem gat farið úrskeiðis gerðist, óþekktargenin skinu í gegn hjá englunum sem ég kenni (féll smá á geislabaugana hjá sumum) ÓMG    svo voru smá breytingar á skipulagi í vinnunni ...ekki að mínu skapi...(maður vill jú halda í það gamla og góða þó það nýja sé kannski ekki svo slæmt).. . var ekki alveg að höndla þetta ... fannst allt  og allir vinna á móti mér .... svona aumingja ég kast....  já þurfti virkilega að taka á honum stóra mínum þegar ég kom heim til að arga ekki á allt og alla.... jammm var að alvarlega að íhuga að skipta um vinnu, fara að vinna á kassa í Bónus eða gerast viðskiptagúrú á millum á mánuði eða vinna í lottói eða ... gerast prinsessan á bauninni.

Já ég var virkilega geðvond í hjarta mínu í gær hér er mynd af mér   hí hí...   Þessi geðvonska kórónaði svo allt að ég var  andvaka hálfa nóttina, náði smá kríu undir morgun,var  búin að velta öllu óréttlæti heimsins fyrir mér...   Dreif mig síðan á fætur kl 6 grá og gugginn og fór í ræktina, ennþá með vott af aumingja ég kasti.... en eftir smá púl og andlegan stuðning frá Bergþóru fór brúnin að lyftast á mér og skapið að batna og þegar ég kom heim var stóra snúllan búin að kom systkinum sínum á fætur og allt í gúddí.  Ég fór samt með hálfum hug í vinnuna en vitið menn ... það var búið að pússa alla geislabaugana og englarnir mínir bara mjög fínir í dag ... það var bara mjög gaman í dag, flest gekk upp og krakkarnir mjög duglegir að vinna... en ekki hvað ..

Geðvonskukastið er horfið á braut og ég er farin að sjá "þe bræt sæt of læf" þ.e. björtu hliðarnar á lífinu a.m.k í bili. hjúkett ekki smá erfitt að vera geðvonskupúki... mæli ekki með því....

Kveðja Helga hin geðprúða

Snjór, snjór, snjór.....

Nú er allt hvítt og fallegt úti, allt miklu bjartar og notalegra (að vera inni í hlýjunni ) . Já mér finnst gott að það er komin smá föl í skammdeginu :)  Börnin er líka mjög hress með snjóinn hér á Ísafirði og vona að það snjói bara hressilega næstu daga svo hægt sé að komast á skíði.  Lillan er himinsæl og vill vera út í snjónum.

Fréttir af flugeldasýningunni segja að hún hafi verið mjög góð.... en ég frétti það bara.... ég var nefnilega að horfa á sjónvarpið og dagskráin það "góð" að mín sofnaði bara yfir henni og hrökk upp við dúndur og þrumur úti og sá bara nokkra blossa  já ekki góð meðmæli með rúv (er nebblega af skosku nurlarakyni og tími ekki að borga fyrir sjónvarprásir sem ég hef ekki tíma til að horfa á)

Já fyrir ca  fimm árum þurft ég að vera heima í 6 vikur vegna veikinda og mágkona mín lánaði mér afruglarann sinn, ég borgaði af honum .... en eftir að hafa verið á sjúkrabeði í nokkra daga og horft á sjónvarpið , þá fannst mér ég alltaf vera að horfa á sömu þættina og við nánari athugun var hver þáttur endurtekinn 3 sinnum "boooooring" auk þess fannst mér dagskráin ekkert betri en rúv og skjár 1, ég horfði mun meira á skjáinn og hann er ókeypis.... og bara margir góðir þættir  já ég játa að ég horfi stundum á topp módel og allt í drasli (ekki smá gaman að horfa á allt í drasli, það er alltaf aðeins verra heldur en hjá mér.... mér finnst allt bara helmingi hreinna hjá mér eftir hvern þátt) og  líka  lögguþættina.   

Er hætt að fíla bráðavaktina eftir að hinn sexý dr. Green dó (þessi sköllótti). 

Játning vikunnar er sem sagt: ég er tímalaus nískupúki og tími ekki að borga fyrir stöð 2 og er heldur ekki með fjölvarp.....

Já ég er hálfgert fornaldarskrímsli að þessu leiti finnst bara ég ekki hafa tíma til að horfa á allar þessar rásir...

ég væri samt til í að vera með dönsku rásina  (hvað heitur hún????) því ég elska danska þætti eins og Króníkuna, Mattador, Örninn.... já ég er mjög hrifin af dönsku sjónvarpsþáttum.

Já nóg komið af bulli kveðja Helga

P.s. líkamsræktarátakið er enn í fullum gangi, er komin með vott af sjálfspíningarhvöt og læt möglunarlaust pína mig áfram...... já ég get að sjálfsögðu ekki látið það fréttast að ég gefist upp á undan Bergþóru frekar xxxxxxxx  hehe hef fundið ótal nýja vöðva í kroppnum.... og tapað 6 kílóum sl. vikur, veit ekki hvað Óli segir, ég er farin að rýrna.....

Veturnætur - gleðilegan vetur :)

Já nú eru haldnar veturnætur á Ísafirði.  Mikið fjör og mikið gaman í bænum okkar.   Í dag var mikið um að vera niður í bæ, krakkarnir í tónlistarskólanum voru að spila í búðum fyrir gesti og gangandi og mikið líf í kringum það.   Ekki skemmdi fyrir að flestar búðir voru með tilboð  náði rétt að strauja kortið í Legg og skel, keypti gallaskokk á lilluna, röndóttan langermabol (appelsínugular, hvítar grænar og rauðar rendur)  og appelsínugular sokkabuxur  allt í stíl... Lang flottust auðvita var þetta á 20% afslætti...(bara gott mál  alltaf að græða...hehe   Ekkert bleikt hér á ferð.

Stóra dúllan mín var að spila á nikkuna með harmonikkutríóinu, þau voru bara flott, svo heyrði ég í barna og unglingakórnum, ekki smá flott hjá þeim, maður fékk bara gæsahúð, Bjarný Ingibjörg kórstjóri er að gera góða hluti með þessum krökkum.

Margt annað er í boði, ýmsar uppákomur og skemmtileg heit, toppurinn á hátíðinni verður svo í kvöld kl. 22 

Risa flugeldasýning, hlakka til  

Það er gaman að búa á Ísafirði knús og kveðja Helga

Erum ofarlega á vinsældarlista hjá skoðanakönnunum hf eða hvað?

Hvað getur maður verið oft á tilviljanakenndu úrtaki hjá "skoðanakönnunum"  hf???? Bara spyr enn eitt símtalið á þessu ári. 

Spyrill:"Góða kvöldið, þetta er xxx hjá "skoðanakönnun hf"  er Ólafur við"??

Ég: "Nei en hann vill örugglega ekki tala við ykkur.  "

Spyrill: "Ertu viss? Má ég hringja síðar"

Ég: ´(er hér að spara spyrlinum aukafyrirhöfn) J´ég er alveg viss hann vill ekki tala við ykkur.

Spyrill: afsakið ónæðið, takk fyrir.

 Ég og minn ekta maður eru löngu hætt að nenna að taka þátt í skoðanakönnunum, samt man ég a.m.k. eftir þrem öðrum hringingu síðan um áramót enda kosningar á árinu, finnst skrýtið hvað við komum oft upp, vildi óska að ég væri svona heppinn í öðrum  útdráttum . 

Aumingja fólkið sem vinnur þarna ég segi alltaf nei takk fyrir mig, hlýtur að vera leiðinlegt að fá mörg nei... en friðhelgi heimilisins er í húfi.

Hér átti að koma langur pistill um leiðinlega símasölumenn sem sífellt svindla á rauða x-inu í símaskránni,  ég nenni ekki að skrifa mig inn í  skap, svo sá pistill verður að bíða betri tíma.

Góða nótt kveðja Helga

 

Samræmduprófin að baki ...

Annasöm vika er að baki, samræmduprófin búin hjá bekknum mínu og "loksins tími til að kenna" eins og einhver orðaði svo skemmtilega í skólanum.   Bara gott að þau er að baki .  Ég gæti röflað heilmikið um þessi próf en stundum er gott að hafa vit á að þegja , fæst orð hafa minnsta ábyrgð.   Finnst þau samt stýra starfi mínu um of og sem fagmanneskja finnst mér t.d.  erfitt að þurfa að bjóða nemendum með lestrarefriðleika upp á svínþungann lestexta sem inniheldur mörg sjaldgæf orð og snúnar spurningar.  Hvar er hugsjónin um nám við hæfi? Skólastarf sem kemur á móts við þarfir hvers og eins?    Jamm en svona er Ísland í dag.

 

Í dag var mikið að gera hjá mér, var voða dugleg og fór í ræktina með Bergþóru kl. 9 í morgun og púlaði í heilan klukkutíma dugleg  síðan lá leiðin í íþróttaskólann með lilluna og þar var voða stuð og eftir hádegið fór ég á kynningarnámskeið hjá Rauða krossinum.  Stíf dagskrá.  Ætla að taka því rólega á morgun.

Stóra dúllan er ekki heima, hún fór á landsmót ungra harmonikkuleikara  á Reykjum í Hrútafirði. Nóg að gera hjá henni. 

Jæja nóg komið í bili. Kveðja Helga

 

Komin heim

Vá hvað það var gott að vera komin heim aftur eftir R.víkur ferð. Óli er en að jafna sig eftir Ikea ferð. Ekki smá óheppin að það var afmælishátíð þar.... og allt troðið af fólki ...  Ég dró Óli greyiðí gegnum allt heila klabbið til að finna nokkra diska og sitt lítið af hverju sem bráðvantaði á heimilið (mitt álit ekki hans... he...drasl....  voru orðin sem hann muldraði og ég átti ekki að heyra o.s.frv...)  Verð að vera góð við hann svo hann fáist aftur þangað, sá neblega fína innréttingu á baðið ..... og.....  já það verur samt smá bið á því enn um sinn... 

Lillan var samt alsæl í Ikea því þar hitti hún Línu Langsokk vinkonu sína og hún gaf henni nammi, blöðru og sænskan fána.... söng á leiðinni heim til Öddu  "íslenski fáninn bandaríski bjáninn" og eftir smá leiðréttingu "sænski fáninn......" Henni var samt ekki eins skemmt í Kringlunni og Intersport og vildi med det samme fara heim... ekki mikið fyrir búðarráp þessi elska ...  enn þá.... hugsa að það breytist eftir nokkur ár.... Systir hennar var jákvæðari.... en fannst gamlasettið frekar nískt ... fékk samt tvær peysur... en vetrarskórnir sem átti að kaupa fundust ekki..... kaupi þá bara hér heima..... 

Einkasonurinn er en illa haldinn af anti búðarrápsbakteríunni og með herkjum að mér tókst að draga hann inn í Steinar W... og kaupa vetrarskó... hann fékkst einnig til að máta flíspeysu í Regatabúðinni og þar með var hann laus allra mála.... eina búðin sem hann vildi fara í var veiðimannabúðin Vesturröst.... þar fóru þeir feðgar inn og voru lengi...... en komu út sælir og ánægðir  með drasl í poka.

Já kortið var straujað nokkrum sinnum, en ég uppgötvaði á heimleiðinni að ég steingleymdi að fara í Hagkaup,  og ýmislegt sem ég ætlaði að gera.... tíminn bara leið svo fljótt .....já það bíður síðari tíma.  Ég keypti heldur ekkert á lilluna, ætlaði að kaupa skokk eða kjól á hana en fann ekkert sem mér fannst spennandi ....  já samt kíkt ég í Next, Söru og Exit... ekki að hana bráðvanti þetta ... hún fær bara seinna.... betra fyrir budduna.  

Skrapp í Zik-Zak og náði einum léttum hring þar.... keypti peysu og kjól sem mig bráðvantaði

ooooo hvað þar voru smart vetrarjakkar þar... en sjálfstjórnin tók yfirhöndina og dró mig frá þeim rekkum.....

já stundum get ég verið svo skynsöm.....

Drengurinn hitti lækninn sinn og fékk nýtt krem á exemið og sýklalyf  og var settur í blóðprufu til að athuga með fæðuofnæmi... vona að þettageti hjálpað honum, haustið er svo erfiður tími fyrir hann og exemið byrjað að versna. 

Fengum frábærar móttökur í Þorlákshöfn... ekki smá dekur þar... takk fyrir það Adda og Doddi.

Getraun... Hvernig var veðrið í Reykjavík  A) rigning og rok  B) blautt  C) rigning og rok og fínt inn á milli..... Rétt svar.... allt....

Já það var glampandi sól og blæjalogn heima á Vestfjöðrum en því nær sem við komum borginni því meiri rigning og rok.....   Já svona var það  Kveðja Helga

 

Reykavíkurferð....

Á leiðinn í borgina á morgun, ekki alveg að nenna því en samt þarf að skreppa. Að aka eftir forandarvegum í Mjóafirði, Hestakleif  og Ströndum er ekki efst á óskalistanum, hlakka til þegar búið verur að gera fleiri jarðgöng.... (alltaf bjartsýn )   Því miður fundum við enga orlofsíbúð í borginni á lausu en fáum að liggja þess í stað  inni hjá Öddu mágkonu og Dodda  í Þorlákshöfn sem er ekki slæmt.  Sé fram á annasama daga, búðráp, læknisheimsókn og meira búðaráp, útréttingar heimsóknir.... jaaaaaaaaaaaaa því miður getur maður ekki heimsótt alla sem okkur langar til að hitta sorry  en ég er löngu hætt að reyna það, ég kíki inn ef ég get  og tími og heilsa leyfa..... en tveir sólahringar duga ekki í stórvina og fjölskylduheimsóknir dammmmmmmmmmmmmm  .....  þá er að fara að pakka niður........ekki það skemmtilegasta .....

kveðja Helga

Tíminn líður hratt....

Er hálf klökk í dag... fór í jarðaför og  eins og alltaf fær slík athöfn mann til að staldra við og hugsa um lífið og tilveruna.  Tilganginn og allt það.... Tónlistin svo hátíðlega sorgleg,  góð ræða hjá séra Magnúsi og mögnuð áhrif nýju altaristöflunar í kirkjunni,  allt þetta hreyfði við manni.

Alltaf er ég jafn ánægð með líkræðurnar hjá Magnúsi presti, hann nær að draga fram kjarnann í hverri persónu án þess að vera væminn eða setja hinn látna á stall sem einhverja súperhetju.  Hann talaði einstaklega falleg til barnanna sem í dag kvöddu pabba sinn hinstu kveðju.    já við erum heppinn með prest hér á Ísafirði.

Svona stundir fá mann til  að hugleiða hve tíminn líður hratt og að maður eigi njóta hverrar stundar,  lifa í núinu... því enginn veit sína ævi fyrr en öll er. 

Ekki geyma það sem þú getur gert í dag með  ástvinum þínum til morguns heldur gerðu það strax, á morgun gæti  það verið of seint.... 

Í dag hitt ég t.d.  fólk sem ég hef ekki sé í nokkur ár og fannst ekki vera mikið eldir en ég (það þýðir ungt fólk á besta aldri) og allt í einu tók ég eftir að það hefur elst... orðið svolítið ráðsettara og "virðulegra" heldur en mig minnti... og viti menn þegar ég fór að hugsa mig um þá uppgötvaði að það er einmitt komið á afa og ömmu aldur (þ.e. er nálgast 50 hröðum skerfum) óMG  Já kæru lesendur  í gær var ég 21 árs  ógift og barnlaus....í morgun þegar ég vaknaði var   ég allt í einu orðin 38 ára 3 barna móðir með reynslu á ýmsum sviðum...  já reiknið bara.... tíminn líður svo rosalega hratt sérstaklega eftir 35 ára afmælið.... hum hum .. Ég man þá tíð sem maður beið eftir hverjum afmælisdegi með óþreyju og fannst heil eilífð í næsta afmæli ... en núna vaknar ég á morgnana og man ekki hve gömul ég er,  bara að ég er þrjátíu og eitthvað... var það allavega síðast þegar ég gáði.... en hvenær var það ... man ekki alveg....  

Nóg komið af bulli í bili kveðja Helga tímalausa

Reykjavíkurför framundan

Þarf að skreppa til höfuðborgarinnar í læknastúss 12. okt og ákvað að gera fjölskylduferð úr þessu og vera í borginni þessa helgi. En nú  er þrautin þyngri að finna gististað, allar orlofsíbúðir uppteknar sem við eru búin að athuga ... er samt ekki búin að gefa upp alla von.... annars níðist maður bara á ættingjum og vinum.  (hjúkk að við eru bara 5 manna fjölskylda .... ekki eins og tengdó í denn með 12 börn )  Þrátt fyrir frábæra aðstandendur í borginni er alltaf erfitt að vera inn á örðum, best er að vera með sínar geðsveiflur og táfýlu sér svo nú skal bretta upp ermar og leita betur..... kveðja Helga

Hvað segir fyrirsögnin þér????

Keypti nýjasta  BB út í sjoppu í kvöld  og fannst leitt að sjá fréttina á baksíðunni um vinnustað minn GÍ.    "Skólastarf fer brösuglega af stað í GÍ". Fannst verið að gera lítið úr starfi okkar í GÍ með þessari fyrirsögn. 

 Fyrirsögnin hefði frekar átt að vera eitthvað á þessa leið "Skólastarf fer ótrúlega vel af stað í GÍ miðað við aðstæður"  því það var sannarlega ekki auðvelt að koma til starfa eftir brotthvarf Jónu Ben frá skólanum , öll skipulagsvinna vorsins var í uppnámi og margir endar lausir.   Jóna var búin ryðja brautina og var kletturinn í innleiðingu uppbyggingarstefnunnar og mjög bagalegt að sjá eftir hæfum skólamanni hverfa á braut.  Já það  var alls ekki auðvelt að byrja vinnu við þessar aðstæður, stundatöflur ekki fullkláraðar, vantaði en deildastjóra og kennara, rekstarfé skorði við nögl,  o.s.frv.  (þ.e. mjög margt sem hægt var að pirra sig yfir), en starfsliðið tók höndum saman og einhvern vegin tókst stjórnendum og starfsfólki skólans með gífurlegri vinnu og auka álagi að koma ástandinu í skólahæft horf og skólastarfið hófst á réttum tíma.  Hef grun um að yfirmenn mínir hafi lítið sofið í ágúst.  Flest vandamálin leystust farsællega, deildarstjóri og kennari fundust, reyndar vantar ennþá smíðakennara ...og  rekstarfé er af skornum skammti  en það er víst ekki á allt kosið.

Það skal tekið skýrt fram að hér er ég ekki að gera lítið úr ummælum kollega míns á fræðslunefndarfundi því þar var hann aðeins að benda á þær aðstæður sem sköpuðust í haust.  Hinsvegar finnst mér ekki hægt að segja að brösuglega  hafi gengið í skólastarfinu, því að er ekki rétt, erfiðleikar voru og eru vissulega til staðar en allt starfslið skólans hefur lagt sig fram að gera sitt besta (og aðeins betur ef það er það sem þarf....) og því tókst Skarphéðinn sem betur fer að koma til skila í greininni og því er þessi frétt ekki alslæm er eiginlega bara óhress með fyrirsögnina hún er villandi og neikvæð.

 

Mín skoðun er því sú að skólastarf hafi gegnið ótrúlega vel miðaða við aðstæður. Vissulega var staðan við skólabyrjun erfið fyrir alla aðila en með sameiginlegu átaki tókst að gera eins gott úr hlutum og hægt var.

Kveðja Helga

P.s Hvernig er þetta með kennara geta þeir aldrei skilið vinnuna sína  eftir í vinnunni, var að velta þessu fyrir mér, búin að eyða laugardagskvöldi í þetta vinnutengdablogg