Á leið á ættarmót :)

Á c.a. 5 ára fresti er ættarmót hjá fólkinu hennar Huldu ömmu í Nesi í Fnjóskadal.  Nú eru einmitt fimm ár síðan síðast og ég er bara spennt að hitta fólkið... sjá hve vel ég er ættuð (.. er Þingeyingur í föðurættina komm on)... hve fallegir ættingjar mínir eru... hve gáfaðir allir eru í minni ætt .... hve allir eru gjörvulegir... hve allir eru skemmtilegir...  hve hæfileika ríkt fólkið mitt er og síðast en ekki síst að uppgötva hve vel ég er af Guði gerð miðað við ætternið  hjúkket....

 og ef einhverjir gallar finnast á ættingjum mínum (sem er nú ekki líklegt ) þá koma þeir gallar úr hinni ættinni þ.e. ekki frá mínu ættingjum heldur þeim lukkulegu mannverum sem hafa stígið það gæfu spor að finna sér maka úr minni ætt ...hóst ... hóst... hér er greinilega Þingeyingurinn í mér að tjá sig

 

Já á föstudaginn á að bruna af stað norður í land og heiðra ættingja mína með nærveru minni og fjölskyldunnar.  Ætla síðan að búa á hótel mömmu og pabba í Fnjóskadalnum næstu vikur... sendi bara fyrirvinnuna mína aftur heim á Ísó og unglingurinn ætlar að klára vinnuskólann áður hún kemur í sveitasæluna...með pabba sínum... 

  Já nú er sumarfríið að byrja fyrir alvöru... í sveitinni... krakkarnir farin að planleggja sumarið...Lillan ætlar að drullumalla svaka mikið ... baka margar drullukökur.... dásamlegt ...eins gott að þvottavélin bili ekki... sé fyrir mér að ég verði að hanna vinnukonur á gleraugun hennar híhí..    Skíðakappinn ætlar að m.a. að taka fjarstýrðu þyrluna með... og  veiðigræjurnar... stefnir að Kringluvatnsferð með norsku ættingjunum eins og í fyrra og árið þar áður... Ég ætla að draga einhverja með mér og ganga á Hálshnjúk... ekki hægt að vera 39 ára og ekki gengið á aðal fjallið í sveitinni... eitt að því sem ég ætla að gera fyrir fertugt...

 og auðvita ætla ég að vera dugleg að hreyfa mig... er búin að fjárfesta í íþrótta- og útivistafatnaði svo nú verð ég að nota réttu græjurnar...

Kveðja frá Helgu sem er ættarlaukur

Gönguferð :)

 

Fór í sólstöðugöngu sl. laugardag með samstarfsmönnum Óla. Frábær ferð í alla staði. Við gengum út í Folafót og fengum alveg frábært veður og sólin...........................gerði mörg listaverk......tilfinningin að fá að upplifa það ... ólýsanleg... Skíðakappinn kom með okkur og stóð sig eins og hetja...

 Varða rétt hjá Folakoti...

 

 Nestisstopp.... ekki amaleg lýsing

 Þessa eldavél rákumst við á í fjörunni... 

 ....

....

 

Kveðja Helga göngugarpur

 

Rólaði svo hátt að gleraugun fuku....

Gleraugun lillunar voru tilbúin 10. júní... hún er því búin að hafa þau í rúma viku... og bara tvisvar þurft að laga þau  já á mánudaginn tókst henni að brjóta nefpúða og dag rólaði hún svo hátt og hratt að gleraugun þutu út í buskan og... skekktust svaka mikið.... en sem betur fer gátu snillingarnir í Gullauga lagað þau ... efnilegur viðskiptavinur á ferðinni þar... sé fram á að halda uppi nokkrum gleraugnabúðum með sama áframhaldi... vill til að gleraugun eru tryggð..

Keypti í dag svokallaða bremsur á gleraugun... nú eiga þau að tolla á nefinu þegar prinsessan rólar svaka hátt...

  Annars er lillan mjög dugleg að nota gleraugun og vera með lepp... þetta gengur mun betur en ég þorði að vona ... þó það komi stundir sem hún er ekki mjög hress með gleraugun.... við foreldrarnir eru sveittir við að pússa glerin svo eitthvað sjáist út... skyggni ágætt með köflum eða kámi

Kveðja Helga með pússklútinn á lofti

Skemmtileg helgi að baki :)

Eftirminnileg helgi að baki... frumburðurinn kominn í fullorðinamannatölu og gaman hve margir lögðu leið sína til Ísafjarðar til að samfagna henni... pabbi og mamma komu á miðvikudaginn... litli bróðir, viðhengið og afleggjari hans komu á fimmtudaginn... Hugrún og Inga Sigga á föstudaginn... Kalli frændi og Marsa, Lundi frændi, Gabríel mágur og Auðbjörg, Gunna Gests og Oddný á laugardaginn og Barbara frænka á sunnudaginn...... gamna að hafa svona marga vini og ættingja í kringum sig... og svo mættu auðvita vinir og ættingjar frá stór Ísafjarðarsvæðinu    

Dagurinn var frábær... unglingurinn fór í hárgreiðslu kl. 9 um morguninn og síðan lá leiðin í kirkjuna... falleg og yndisleg stund... fermingarbörnin sjö svo falleg og efnileg... stóðu sig eins og hetjur... þetta var stundi þeirra...  Síðan lá leiðin í fermingar- og fjölskyldumyndatöku vona að hún hafi heppnast vel, a.m.k betur en þegar ég fermdist... (þær horrormyndir hafa aldrei verið sýndar opinberlega og farið með þær eins og ríkisleyndarmál)...  síðan

var haldið til veislu... og hún gekk vonum farmar a.m.k. held ég það... þrátt fyrir smá óhöpp eins og þegar kviknaði í servíettu og brunakerfið fór í gang ÓMG ... en þetta blessaðist allt enda   fékk ég  mikla hjálp hjá vinkonum mínum og mömmu ... og síðan voru það tvær valkyrjur sem voru í eldhúsinu og sáu um að allt færi vel fram ...takk Gunna og Erla þið eruð frábærar....   fermingarbarnið  var alsælt með daginn og allar gjafirnar... ekki smá flottar... hún fékk nokkra skartgripi, afmælisdagabók, veski, snyrtivörur, fullt af peningum, 3 rúmföt, ljós, kerti, bók, og ég veit ekki hvað  og  svo á hún eftir að fá húsgögn frá gamla settinu og gjöf frá afa og ömmu og bræðrum mínum... já þetta voru frábærar gjafir og stelpan alsæl  með daginn. 

Frábær helgi  og maður hálf dasaður ennþá... síðustu gestirnir fóru seinnipartinn á mánudaginn og hálf tómlegt í kotinu...

Kveðja Helga 

p.s. hún fékk líka útivistaskíðapeysu sem á eftir að halda á henni hita í vetur

 

Húsbóndinn á fullu í fermingarundribúningi... :)

Já nú styttir í að frumburðurinn fermist og vitið menn, húsbóndinn á heimilinu gengur hér hálfgerðan berserksgang og framkvæmir allt það sem setið hefur á hakanum undafarinn..1..2...3.. 9 ár (eða allt að því... fluttum í þessa íbúð fyrir 9 árum).. það er búið að mála holið og unglingsherbergið... taka til í skápum... já mér er spurn hvort gestir kíki mikið í skápa.. en alveg sama hvaðan gott kemur .. ég reyni að nýta mér þessa framkvæmdargleði.... t.d. var ísskápurinn affrystur og hreingerður í gær.... hefur ekki gerst í laaaaaaangan tíma, hann var líka tekinn fram og ryksugaður að aftan.... nóg ryk þar á bæ.... ég hef meira að segja smitast af þessu og tók mig til og gerði rassíu í eldhúsinu... hent öllum gömlu súpupökkunum sem runnu út ... 19XX - 2007 ... kryddbaukar frá tengdó með kaupfélagsverðmerkingum fengu að fjúka og fl. ... svo nú er pláss í skápunum til að fylla á .... nóg pláss fyrir nýja súpupakka til að henda þegar Skíðakappinn fermist eftir 3 ár ...  ég fór líka í gegnum skápinn í baðherberginu og hent öllum bjútikremunum og hrukkubönunum sem ég hef ekki notað sl. 1 -20 ár (fullur poki af allskyns drasli...hver kaupir þetta     ... og já getiðið það er nóg pláss í skápnum núna meira að segja hálf tómar hillur...  Það kom samt að því að ég stoppaði manninn minn af ... hann ætlaði að fara að mála eldhúsið... ÓMG ég er að baka fyrir ferminguna... og þarf eldhúsið í friði... þannig að ég krosslegg fingur og vona að hann haldi áfram í framkvæmdunum eftir fermingu ... því það þarf sannarlega að mála eldhúsið en bara ekki korter í fermingu....

Mamma og pabbi koma á miðvikudaginn .... og lillan spyr á korters fresti ... hvenær koma afi og amma ... eru þau lögð af stað.... Munið ekki segja 3ja nærri 4ra ára stelpum að afi og amma séu á leiðinni fyrr en sama dag og þau koma... sparar mikið spurningasuð.... 

Já nú er nóg að gera á þessum bæ... kannski upplifa börnin mín þetta eins og Magnús bróðir í denn... hann sá mömmu vera að þrífa í eldhúsinu og spurði hana .... "er amma á Ísó að koma"... börnin mín spyrja þá  pabba sinn er "amma skessa að koma"? 

Kveðja Helga komin með vott að húsmóðurmetnaði

 

Datt Magnús bróðir í hug :)

 Er ekki á leiðinni til Tromsö en samt....

 

Skrár tengdar þessari bloggfærslu:

• mynd_af_magnusi.doc

vorannir og sumarfrí handan við helgina :)

Lokaspretturinn fyrir sumarfrí í vinnunni.... er búin að vera flokka dót... pakka niður því sem ég ætla að nota næsta vetur, skila bókum,  gera bókapöntun fyrir næsta vetur... innkaupalisti fyrir 5. bekk tilbúinn, henda rusli, ganga frá stofunni minni... funda... gera vorskýrslu ... gera upp veturinn með sérkennara...  fleiri fundir framunda...  smá eftirsjá í loftinu... en líka tilhlökkun... sérstakt andrúmsloft...  á morgun eru skólaslitin og þá útskrifast gamli bekkurinn minn... ég kenndi þeim í 1.- 3. bekk, algjörir snillar... gaman  að sjá þau svona fullorðinn... skrítið að sjá strákana með skegghýjung og dimma rödd... þetta eru litlu dúllurnar mínar sem ég snýtti og reimaði fyrir... og stelpurnar svona myndalegar og flottar ... já það hefur svo sannarlega ræst vel úr þeim og ég vona að þau eigi bjarta framtíð framundan. ..flottir krakkar.  .

Ég er stolt af mínu fólki... á smá í þeim ennþá...  

 

 Kveðja Helga

  
 

Ísafjarðarbær hækkar leikskólagjöldin bakdyra megin!

Í dag er ég reið...  barnið ekki velkomið í leikskólann sinn fyrr en kl. 8.  .... Já og ég á að mæta kl. 8.   ... Hjá Ísafjarðarbæ hefur sú regla lengi gilt á leikskólanum  að foreldra hafa fengið 15 mínútur á dag aukalega sem þeir hafa geta nýtt til að koma með börnin örlítið fyrr eða sótt þau örlítið síðar en umsaminn vistunartími segir til um,   bara að það sé ekki meir en 15 mín. á dag. 

En í byrjun maí ákvað bæjarstjórnin og fræðslunefndin að fella þessar 15 mín. niður og rukka fólk í staðinn fyrir auka hálftíma ef það þarf að mæta í vinnu fyrr en kl. 8.  þ.e. þær 15 mín. sem ég  hef fengið "fríar" hingað til kostar mig allt í einu 1420 kr. á mánuði eða 15620 kr. á ári.  Rökin fyrir niðurfellingunni er að "sumt" fólk er að misnota þessi fríðindi og virðir ekki þessi tímamörk.  Já hér er verið að hegna öllum fyrir misnotkun nokkurra einstaklinga....

Ísafjarðarbær hefur um árabil verið með hæðstu leikskólagjöld á landinu, ein af rökunum fyrir háum leikskólagjöldum hefur verið ... þið fáið þessar 15 mín. fríar.  En leikskólagjöldin lækka ekkert núna þó þessar 15 mín eru teknar.  Hér er klárlega verið að hækka leikskólagjöldin

Ég er með lilluna mína í 6 tíma á dag í leikskóla, það kostar mið 17042kr. á mánuði, ég borga 3362 kr. fyrir hádegismat og 2183 kr. fyrir morgunmat. samtals 22587kr. á mánuði og 248457 kr. á ári.  og með hálftíma aukalega( 6,5 tíma) hækkar talan í 264077kr. á ári. (tölur teknar af vefnum isafjordur.is)

Ef ég byggi á Akureyri þá borgaði ég 16650 á mánuði með hádegismat og morgunmat. Sem gerir 183150 á ári og ef ég tek 6,5 tíma þar á bæ borga ég 11x17717kr á ári eða 194887.  (tölurnar teknar á akureyri.is)

Mismunurinn milli Akureyrar er 65307 á sex tíma vistun og 69190 á 6,5 tíma vistun.  Það munar um minna. 

 Þessar breytingar tóku gildi 1. júní og ég hafði séð frétt útunda mér á bb.is og þegar ég leitaði vel fann ég útprentun á fréttinni í leikskólanum, neðarlega á vegg með mjög smáuleti... og jú smá klausa um þetta á vef leikskólans, mér fannst þessi frétt ekki nógu skírar , t.d. kom ekki fram hvað auka hálftíminn kostaði *  og hvort ég gæti þá t.d. mætt með barnið kl 7.30 o.s.frv.  þegar ég þarf hvort sem er að borga auka hálftíma þó ég nýti ekki nema ca 15 mín. ég þar ekki meira. Já af þessum breytingum var illa staðið.

 Ég vissi að þetta stóð til en í morgun var ég ekki með þetta í huga þegar við mæðgurnar mættum í leikskólann. c.a. 7.51 . það var miði á útihurðinni þar sem tilkynnt var að þeir sem ekki væru búnir að sækja um breytingu á vistunartíma í samræmi við nýju tilhögunina og mættu þrátt fyrir það fyrir 8 eins og ég gerði ættu von á sektum og tíminn skráður.  Við fórum þrátt fyrir það inn á deild og þá mætum við leikskólakennara lillunar sem sagði með hálfgerðum snúð "Nú eru þið að mæta of snemma" .... Ég upplifði þetta sem að við værum ekki velkomnar í leikskólann fyrr en kl. 8. og settist því niður í fataklefanum (gleymdi að vísu að spyrja hvort ég þyrfti að borga fyrir að fá að  bíða þar og við biðum þar til klukkan var stundvíslega 8). 

Síðan fór ég í vinnuna og sótti um að fá að byrja í vinnunni 8.15 næsta vetur en fékk skír svör um það að það gangi ekki, umsjónarkennari verður að geta kennt frá 8:00.  Því neyðist ég líklegast til að kaupa þennan auka tíma þrátt fyrir að ég þurfi ekki að nýta mér nema hluta til.

 

Kveðja Helga ósátta með leikskólagjaldahækkunina

p.s. það skal tekið fram að yfirleitt er ég mjög ánægð með leikskólann en ekki í dag... ekki þegar fólki er hótað sektum.... ekki þegar manni finnst barnið ekki velkomið....

 

* smá leiðrétting það kom víst fram að það kostaði 1430 kr. og ég biðst velvirðingar á að hafa farið með rangt mál hér fyrir ofan, en þessi færsla var skrifuð þegar ég var reið og pirruð  og gerði þau mistök að rifja ekki upp tilkynninguna áður en ég skrifaði um hana.  

Ég hélt að það þyrfti a.m.k mánaðar fyrirvara til að breyta vistunartíma,  minnir mig að það sé ætlast til að maður sæki um breytingar á vistunartíma með a.m.k. mánaðar fyrirvara.  Tilkynningar um þessar breytingar eru dagsettar 8. maí á vef Eyrarskjóls og 9. maí er frétt um þetta í B.B